कसैले धारे हात लगाउँदैमा केपी ओलीले राजीनामा दिँदैनन्

१५ फाल्गुन २०७७, शनिबार १२:५१

काठमाडौं । उपप्रधानमन्त्री ईश्वर पोखरेलले कसैले धारे हात लगाउँदैमा प्रधानमन्त्री केपी शर्मा ओलीले राजीनामा नदिने बताएका छन् ।

अनेरास्ववियूले आरआर क्याम्पसमा आयोजना गरेको कार्यक्रममा उनले प्रधानमन्त्री संसदीय सर्वोच्चता स्वीकार्ने भएकाले अविश्वासको प्रस्ताव सामना गर्ने बताए ।

“केपी ओली कसैले धारे हात लगाउँदैमा राजीनामा दिनुहुन्नँ,” कार्यक्रमलाई सम्बोधन गर्दै उनले भने, “हिम्मत भए अविश्वासको प्रस्ताव ल्याऊ ।”

उनले केपी ओलीले बीचमै नछाड्ने बताए । केपी ओली लोकतन्त्र, संस्थागत गरिने निर्णयमा विश्वास गर्ने भएकाले अविश्वासको प्रस्ताव सामना गर्ने दोहोर्‍याए । उनले कटु शब्दमा निन्दा गर्दै ‘सडकमा भुस्याहा कुकुरलेझैँ’ नारा लगाउँदै राजीनामा नदिने अडान लिए ।

उनले कम्युनिस्ट पार्टी हिजोझैँ ‘चल्ते, चलाते’ ढङ्गले सञ्चालन नहुने बताए । नयाँ कम्युनिस्ट पार्टीमा युवाहरू हुने र दशकौँदेखि पार्टी सत्ता कब्जा गरेकाहरू नहुने, फोहोरमैलाहरू सफा हुने पनि बताए ।


यसमा तपाइको मत

Your email address will not be published. Required fields are marked *


*